அமெரிக்கத் தூதரகம் அடிப்படையற்ற வகையில் குற்றச்சாட்டுக்களை சுமத்தி வருவதாக இராணுவப் பேச்சாளர் ருவான் வனிகசூரிய தெரிவித்துள்ளார்.
2009ம் ஆண்டு இரணபாலை புனித அந்தோனியார் மைதானத்தில் இராணவத்தினர் நடத்திய எறிகணைத் தாக்குதல்களில் நூற்றுக் கணக்கான பொதுமக்கள் உயிரிழந்ததாக அமெரிக்கத் தூதரகம் குற்றம் சுமத்தியுள்ளதாகவும், இது முற்றிலும் அடிப்படையற்றது எனவும் அவர் குறிப்பிட்டுள்ளார்.
இலங்கைக்கு எதிராக எதிர்காலத்தில் பாரியளவில் முன்னெடுக்கப்பட உள்ள சூழ்;ச்சித் திட்டத்தின் ஓர் கட்டமாகவே இதனை நோக்க வேண்டுமென அவர் தெரிவித்துள்ளார்.
யுத்தத்தில் காயமடைந்து உயிரிழந்த புலிப் போராளிகளின் சடலங்களை ஒப்படைப்பதற்கு குறித்த மைதானம் பயன்படுத்தப்பட்டதாக அவர் குறிப்பிட்டுள்ளார்.
குறித்த பிரதேசம் பாதுகாப்பானதாக இருந்திருக்காவிட்டால் புலிகள் அந்த மைதானத்தை தங்களது தேவைகளுக்காக பயன்படுத்தியிருக்க மாட்டார்கள் என அவர் சுட்டிக்காட்டியுள்ளார்.
பொதுமக்கள் மீது எறிகணைத் தாக்குதல்கள் நடத்தப்படவில்லை என அவர் தெரிவித்துள்ளார்.
எந்த விதமான உறுதிப்படுத்தல்களும் இன்றி அமெரிக்கத் தூதரகம் அடிப்படையற்ற வகையில் டுவிட் செய்துள்ளதாகக் குற்றம் சுமத்தியுள்ளார்.
போலியான குற்றச்சாட்டுக்களுக்கு உயிர்ப்பளிக்கும் வகையில் அமெரிக்க தூதரகம் செயற்பட்டுள்ளதாகத் தெரிவித்துள்ளார்.
இதேவேளை, அமெரிக்கத் தூதரகத்தின் டுவிட்கள் தொடர்பில் விளக்கம் கோரப்பட உள்ளதாக இலங்கை வெளிவிவகார அமைச்சு அறிவித்துள்ளது.
அமெரிக்கத் தூதுரகம் உறுதிப்படுத்தப்படாத போலியான தகவல்களை வெளியிட்டுள்ளதாக வெளிவிவகார அமைச்சு குறிப்பிட்டுள்ளது.
0 கருத்துகள்:
கருத்துரையிடுக