நெடுந்தீவு தனுவின் தேர்தல் வருகுதாம்.. !!

வந்திட்டு வந்திட்டு
வாக்குறுதிகள் வந்திட்டு..
தந்திட்டு தந்திட்டு
தலைகோதுவர் தந்திட்டு..

ஏந்திட்டு ஏந்திட்டு
இருகை ஏந்திட்டு..
சாய்ந்திட்டு சாய்ந்திட்டு
ஆசனத்திலும் சாய்ந்திட்டு..

போட்டிட்டு போட்டிட்டு
இருகையிலும் நகைபோட்டிட்டு
புலம்பிட்டு புலம்பிட்டு
பொய்களை மெய்யாக்க
புலம்பிட்டு…

தருவீங்களா தருவீங்களா
வாக்குறுதிகளை தருவீங்களா?
புரிவீங்களா புரிவீங்களா
எம் உணர்வ புரிவீங்களா?
கொடுப்பீங்களா கொடுப்பீங்களா
நீதியை கொடுப்பீங்களா?

ஆசனத்துக்காக அவரை காட்டி
கையேந்தல்.
கிடைத்ததும் இவரை சுட்டி
புறக்கணிப்பு.

மருண்ட மக்கள் நாம்
விரைந்தெழ வழியில்லை.
வெகுண்டெழுந்தால்
வீண் பேச்சும் இனி இல்லை

ஆக்கம் நெடுந்தீவு தனு 

 இங்குஅழுத்தவும் மேலதிக செய்திகள் >>>