மேயரின் நண்பர் போதைப் பொருள் வழக்கில் கைது

கனடாவின் றொரண்ரோ நகர மேயரின் நண்பர் போதைப் பொருள் வழக்கில் கைது செய்யப்பட்டுள்ளார்.

கனடாவின் றொரண்ரோவில் உள்ள Etobicoke என்ற இடத்திலுள்ள உலர் சலவை கடை ஒன்றில் பொலிசார் நடத்திய திடீர் சோதனையின் போது இருவர் கைது செய்யப்பட்டனர்.

இதில் அலெக்ஸாண்டர் லிசி(வயது 35) என்பவர், றொரண்ரோ மேயரின் நண்பரும், சாரதியும் ஆவார் என தெரியவந்துள்ளது.

மேலும் Marijuna என்ற போதைப் பொருளை வைத்திருந்தது, கடத்தல் போன்ற குற்றச்சாட்டுகளின் அடிப்படையில் கைது செய்யப்பட்டுள்ளார்.

மற்றொருவரான Jamshid Bahrami(வயது 47) என்பவர் கொகைன் என்ற போதைப் பொருளை வைத்திருந்தது, மூன்று தடவைகள் Marijuna என்ற பொருளை கடத்திய குற்றத்திற்காக கைது செய்யப்பட்டுள்ளார்.

இந்நிலையில் இன்று இருவரும் நீதிமன்றத்தில் ஆஜர்படுத்தப்பட்டனர்.
அலெக்ஸாண்டருக்கு 5000 டொலர் அபராதமாக விதித்து, பிணையில் விடுவிக்கப்பட்டார்.